لا تخاف أنا بجتهد وأبهزم الياس
ويبقى سلاحي نواياي السليمة
ودام امنياتي وراها قوة الباس
لابد عقب التعب فرحه عظيمه
بي عزم ماله حدود وماله قياس
وفي صدر الايام لي قدر وحشيمة
الانتكاسات تهزم لين الراس
والانتصارات من صنع الهزيمه
رفيقي لا يزعجك حاقد وبلاس
ما ضيع المجتمع غير النميمة
والناس ويا القوي معروفه الناس
لو الضعيف يجاهد من صميمه
بتشوف الاحباط والصده والافلاس
لاعطيت شخص كسربك ربع قيمه
ولا تصير لا من نوولك شلة انجاس
حساس طنش لو الضربة أليمه
بقول لك شي حطه بين الاقواس
خذها من القلب يا مال الغنيمة
إليا احرموك الشجر لا تكسر الفاس
علمهم إنك رجل مبدأ وشيمه
ولاتثني العزم لين إنك تجي راس
ولا يحقق الحلم يا كود العزيمة
