للشوق جمره والغلا كسرة العود
من بينها تلقى شذا الطيب فواح
غلاك في زود وعسى حالك بزود
وإن رحت قدرك داخل القلب ما راح
كلٍ على ظرفه من الوقت محدود
لا شك راعي البعد ما هوب مرتاح
في هاجس الذكرى بساتين وورود
نبتٍ من الله ما سعوا فيه فلاح
ومزنٍ يساقيها وهو ما له أرعود
له بارقٍ يشعى خفوقك إليا لاح
لا شك أنا مالي من الشوق مقصود
يا كود غالينٍ تفاادى بالأرواح
للشوق جمره والغلا كسرة العود سالم الحبابي
