يا مزين بيتك رخام وسيراميك
البيت الاخر قلنا وش علومه
تراه ما يبغى رصيد على شيك
ولا مقاول يأخذ اجار يومه
لا فيه بيبان ولا به شبابيك
ولا مجلساً فيه الرجال معزومه
عليه ما تحسد ولا أحدن يعاديك
وما فيه صك من صكوك الحكومة
اغلى قريباً لك بوسطه يخليك
اللي بوسط القلب تنقل همومه
اللي علشانه تبيح مخابيك
وتسهر لأجل يرتاح في عز نومه
يقفي ولا من زلة أيام ناسيك
مثله مثل غيره ولا أحدن يلومه
