كلمات سوالف العشاق

يا هوى بالي متى ما رحت ولا جيت غالي
ما تغيّرك الظنون ولا الظّروف وما يليها

اعتبرني معك متواجد ولو إنّي لحالي
كلّ يوم تجيني طيوفك من اللهفة وأجيها

ما قدر غيرك يخلّيني عن الناس أنعزالي
ليه عمري صار حسب الرغبة إلّي تشتهيها

الغلا ما يعترف ف الفوضوي ولا المثالي
والمحبّة: ما تحن شعور من يمسك يديها

بين حيا ل الوصال وبين حيا ل المعالي
أبتدي حرب الكفاح ولا أعرف وين أنتهيها

الشتاء ليلة طويل وخاطري ماهوب سالي
وين بلقى راحتي لو كان بالمال أشتريها

الحزن كنّه يبي يفرض وجوده من خلالي
والفرح سوالف العشاق كنّه ما يبيها

ما تعرف الضيقة الصدر الجنوبي والشمالي
من تمرّه مستحيل تروح لين يروح فيها

كلّ يوم من الغياب وكلّ ليل من الليالي
أفتح صورك وأقبّلها وأقول الله عليها

أنت حلمي وأنت الأوّل ف الحياة وراس مالي
وأنت ذيك اللحظة إلّي ضاع عمري يحتريها

يكثرون الناس من حولي ولكن في خيالي
منتظر لي ساعة بالمال والحال أفتديها

بندر بن عوير