كلمات المشاريه واجد

المشاريه واجد

طَرف اللّيل جَعل اعتاقي مع الصَّباح
الظَّلام يِتمادى، والفَجر يَحرقه

كنّي اللّي مُهدَّد تحت خَشم السِّلاح
يَطلب اعتاقه، ولا فيه من يَعتقه

ما ورا صَدري الضّايق سِعة وانشِراح
جَعل من هَدَف الضِّيق القوي يِفهقه

كان للشَّر باب يِقتفيه الصَّلاح
عَلّموني عن أوصافه وأنا بَطرقه

يا ملاكي مادام إن المواصل مُباح
ليه أُراقب مواري شَمسنا المُشرقه؟

طَلّي ب نور وجه يَفرض الاكتساح
طَلّتك تَستفز العاتِم وتَخنقه!

الله من الذَّكى ومن الرِّضى والسَّماح
والله من الغَرابه والعَمى والصَّفقه

أعبر من الخَطأ وأعذَب من الما القَراح
وألطَف من الهَوى وأقسَى من المِشنقه

عُنقك اللّي يِودّيني طريق النَّجاح
كل ما ضِعت فيه، يِدلّني مَفرقه

مُستعد أتجرّع منك، سَم ذَحّاح
إنتي السَّم من يِمناك كَنّه أصدقه

المَشاريه واجِد، والنَّوايا صِحاح
ولا بقى في حِزام العاذلين فِشقه

شَرهه ف المَحبّه ريشه في رِياح
ما تِحس الشُّعور، ولا تِهز الثِّقه

بندر بن عوير