يالله ياللي بامره يزال ملك ما يزال

يزال ملك ما يزال

يالله ياللّي بأمره يزال ملك ما يزال
يامن أهلك عاد بالريح، في أيّام حسوم

اهدنا درب الهداية وجنّبنا الضلال
ولا تجعل بينا اللّي من العفو محروم

ما على سعادة ولا فيها كمال
مكسب الإنسان منها، هموم في هموم

إلّا في دين يعزل الحرام من الحلال
وصحبة أكرام تزيدك على عزمك عزوم

يا رفيقي كلمة ما تقال وهي تقال
اللّي ظاهرها صداقة وباطنها علوم

وأنا بعطيك احتمالين، ماهو باحتمال
فيها حرية مغادر وحرية قدوم

إن رضيت رضاك مكسب، وعرفك راس مال
اعتراف لك بقدرك يدوم أو ما يدوم

وإن زعلت أرضتك الإيام وأرضتك الليال
السنة واجد 360 يوم

ما بعد قفى المقفّي وقلنا له تعال
من بغى الصدّة يبين علمها ومخدوم

دايم ضغط الصداقة يجي في اختلال
لا طغى حبّ المصالح على حبّ الخشوم

وأنا ماني بتنقّى الصوامع والغلال
أتقنّى لي رجال مناهجهم سلوم

كم رفيق بعض الأحيان ما يقنى ريال
والله إنّه أوّل ما يطرى علي وقت اللزوم

ومن يشوف إنّه على درب حرف من المقال
لا يقفّيني ملامة، ولا يقفاه لوم

اذخروني في مواجيبكم حال وحلال
واعتقوني من موالاة قوم وحرب قوم

ودي أحافظ على قيمتي بين الرجال
وين ما لقّيت وجهي مقدّر ومحشوم

الشاعر سلطان بن عباس ¹