يا وجودي ليت ما فات يشرى وأشتريه
ويا وجودي يا ظنوني وكدي وتعبي

وجد عودٍ صيت ربعه على الله ثم عليه
كاسيٍ ربعه بالأمداح من عادته صبي

لين كبر وقل ماله وكل بارٍ فيه
ما عليه إلا عيالٍ ما هم باللي يبي

إن شكى حاله على الناس شرٍ ما يبيه
وإن سكت شره عليه القريب والأجنبي

جبال طويق من جالك ينشد علميه
ينتظرني لين أعود لناري وأحطبي

العرب ما عاد تقنع من العذر الوجيه
والظروف تحد حتى الصحابة والنبي

انشدوا سلطان عباس وش اللي يبيه
يعتبرها أقرب من أبو ظبي لأبو ظبي
ماني بعمه ولاني بثالث والديه
غير والله ما أتوخر لو أجهه أحبي

أشهد إن به من يقول الكلام ويحتميه
فزعةٍ يدريبها المشرقي والمغرب
والله يا رجالٍ يعرف رقمك ما عليه
خل عاد أنا الرفيق والأخو واللي تبي

يا وجودي ليت ما فات يشرى وأشتريه سلطان بن عباس