قصيدة تناقصوا ربعي

تناقصوا ربعي

تناقصوا ربعي على واحد اثنَيْن
إلـيـن خَلّوني وحيدٍ لحالي

كانوا لي أقرب من ظلالي وهالحين
راحوا وزيـن إنّه بقالـي ظلالي

لا أقول أنا مخطِي ولا أقول مخطّين
أقول هذا الواقع وما جرَالِي

أحاول آخذها على المحمَل الزّين
وأفتح طريق الرَّجعة لكل غالي

إن ما بقى لي في حياتي محبّين
عزّ الله إن ما فيه شيٍّ بقالي

الّلي خذته من الحياة أربع سنين
الباقيات أيّام بس وليالي

وش وِنّة الفرْقى؟ وش دمعة العين؟
إذَا ذكرت الماضي الّلي مضَالِي

أحيّه من ضيقة ومن خاطرٍ شَيْن
وأحيّه من صدّة رفيقٍ موَالِي

وأحيّه من فرْقى ومن فقد غالين
لا زالت صوّرهم تغطّي خيالـي

اللّه يخلّي لي من أحبّه آمين
ما عاد لي قدرة على فقد غالِي

الشاعر سلطان بن عباس ¹