كلمات تناديك ماجد المهندس

تناديك

تناديك رغبة المقابيل
من الأرض وإنت بالمجرة

تهادي على غصن من الليل
وتمادي على القلب ومقره

ترى كل هالدنيا تساهيل
مادام إننا بنعيش مرة

تلدين وتزين التعاليل
تصدين وتصد المسرة

وأناديك ودموعي هماليل
وفي الصدر تنهيدة وحرة

أحبك وما للحب تأويل
ولا شفت منك إلا المضرة

وتمونين يا ريم المكاحيل
على القلب في خيره وشره

إذا جيتي أستاهلك بالحيل
وإذا كان ما تبغين حرة

فديت الوسيعات المظاليل
رماح الهلاك المستشرة

وخطواتك اللي بالخلاخيل
لها في الصدر والقلب جرة

وسواليفك بكل التفاصيل
وصوتك بها لله درة

أبي منك ما ينهد لي حيل
على شي ما يسوى المبرة

وأبي صادقات التهاليل
إذا جيت أبشكي وأتشره

من الحظ وأشباه الرجاجيل
وعثرات وقتي المستمرة

وطموحاتي الغر المحاجيل
وخذلانها مع كل كرة

أعذل المسا ويطيح قنديل
وأهز الجفن وتطيح قرة

وأناديك ودموعي هماليل
وفي الصدر تنهيدة وحرة

أحبك وما للحب تأويل
ولا شفت منك إلا المضرة

غناء: ماجد المهندس ¹
كلمات: ياسر التويجري
الحان: احمد الهرمي