ياللي بسوق الطيب ما تفرق السوم
الطيب ما له بين الأجواد حاكر
لا تشتكي للناس لا صرت مهموم
وتقول من دنياك شفت المناكر
تقبل بك علوم وتقفيبك علوم
ويشعفك برق في دجى الليل ساكر
واليا غدا لك مع طيور الفضا حوم
تحيا وتنسى بعض ما كنت ذاكر
واعرف ترى حال البشر ما لها دوم
لا من صفالك مشرب كان عاكر
وش قيمة الدنيا ليا صرت ملزوم
بالرحلة اللي ما عليها تذاكر
والنقص في بعض البشر يورث اللزوم
ومن يجحد الأنعام ما هوب شاكر
وإن ذمك الجاهل فلا إنت بمذموم
لا راوزك خطوى ضعيف يجاكر
في منزل الأحرار ما ينزل اليوم
للبوم عش وللنوادر مواكر
واليا ضحك من حالتك عليت القوم
قل له ما دامك للتماثيل فاكر
يا ضاحك باللي تعذيته اليوم
لا تبكي اليا من تعداك باكر
ياللي بسوق الطيب ما تفرق السوم سالم الحبابي
