والتقينا وكانت اللحظة جنون
لهفتي من غيم وإحساسك مطر
ربي أول مرة تجذبني عيون
كأني مو شايف عيون بهالبشر
ضمني إنت الوحيد اللي تمون
واترك بثوبي بقايا من عطر
من هو إنت وكيف جيت ومن تكون
تسرق إحساسي وغيرك ما قدر
قبل أعرفك كان لي قلب حنون
ولا أنا قاسي من هموم العمر
كنت بارد ما تحركني الظنون
كيف حركت بتفاصيلي جمر
الجنون بنظرة عيونك سكون
والسكون بضحكة شفاتك سحر
الحياة اللي ملتني بالطعون
جيت إنت وصارت جروحي طهر
كيف أبصبر اسأل اللي يصبرون
والله أكره الأشياء بالدنيا الصبر
مستحيل أخلق عذر مهما يكون
أخلق الممكن ولا أخلق عذر
أجمل من الحب وإحساس الجنون
مستحيلي صار بعيوني قدر
