هلا بالشعور اللي تمنيتني ألقاه
هلا بالحبيب اللي معوضني الله فيه
وجودك مثل طفلًا رفض كل من ناداه
ضمن لهفة أمه كل ما غاب بتناديه
أنا قبل أعرفك مات قلبي من الأشباه
ترى قلبي أشباه المحبين ما يرضيه
أنا ماني بعاشق يغني على ليلاه
أنا العاشق اللي كل ليلة تبي تغنيه
يفوت القطار ويعبر العمر لين أقصاه
بسيطة ولا تكون المحطة غلط وأتيه
تمنوني العالم وتدري ويش أتمناه
وجودك بعمري لذة العمر يا راعيه
ولا أعطيتهم قلبي وقلبي معك ورضاه
خذ القلب كله ماني لغيرك مخليه
أنا شفت في وجهك حسن مستحيل أنساه
ولا شي في الدنيا يوصف جمالك فيه
جمالك لكل ملحد دليل بوجود الله
جمالًا مثل وجهك ما غير الله يسويه
