تعبت أحبك وإنت ساهي ولاهي
محتاج فرصة غير كلمة ظروفك
ما هو صحيح الدنيا بعد وتلاهي
هذا إنت غايب وأنا ميت لشوفك
مشتاق لك والشوق فيني يضاهي
بعد المسافة بين كفي وكفوفك
مشتاق حضنك والعيون السواهي
مشتاق أشوفك وأتملى بوصوفك
شف للغياب أي حل يسعدك إلهي
واحشني صوتك واهتمامك وخوفك
غيابك أتعب قلبي والشوق راهي
القلب عندي والمشاعر تحوفك
يا هي تموت بحبك الروح ويا هي
تهواك عيني وأتمنى طيوفك
حتى “أحبك” لا نطقتها شفاهي
أرسم في بالي قلب وأكتب حروفك
وينه سعود القلب دام إنت لاهي؟!
عايش فرح وأنا اللي محتاج روفك
العيد عيدك لكن الآه آهي
وللهم رمز بصدري ما زار جوفك
هذا شعوري وجاك بالحب زاهي
ولا العتب واللوم عدهم ضيوفك
كل يجي ويروح والبال ساهي
إلا إنت في كل شي لاغبت أشوفك
