كلمات لك ساقني الرب

لك ساقني الرب

صبّ لّي كاس حبيبي من الحبّ
والّعب في جوّي وجوك سجّامي

صَايبه أرماحك في داخل اللّب
والهوى عذري وريحك غرامي

ماشي في دربي ولّك ساقني الربّ
يا الفرس الّلي ما لبست اللّجامي

العسل مخلوق في داخل الجِبّ
تورده مرّة وترجع له ظامي

من حنانك حاجتي زيدني حبّ
دامني أرضك وإنت الغمامي

عود غطّاسي إذا فاح من الشَّب
تمطر غيومه دهن عود هامي

ليت تدري عن علاجي من الطبّ
وصفه فيها حروفك أسامي

عبدالمجيد عبدالله ¹

1. [↩]الحساب الرسمي للفنان عبدالمجيد عبدالله في منصة اكس