طير السعد غرد ونجم الفرح بان
ونجد عرضت بالسيف لعيون أهل نجد
بقبال تركي ليلنا تو ما زان
وقال الرياض لطلته يا مساء الورد
تركي عضيد محمد ونسل سلمان
لا حدٍ حواليهم ولا مثلهم حد
بظلالهم في رخا وأمن وأمان
ولبشوتهم هيبة ولسيوفهم حد
وتركي مواري العز بعيونه تبان
حر تنومس هدته كل ما هد
ما أبين أبو تركي معزي وراكان
ما هو بمجد جدوده أكبر من المجد
إليا تباهوا في خوال وعمان
يفخر بجدينه ما هو بس في جد
أمه ما ينجب مثلها كود فرسان
بنت ابن حثلين فهده ما لها ند
بالذوق ذوق بالنسب شانها شان
واللي يعد خصالها يتعب يعد
وليل الرياض وخاطره توه ما زان
الله يهني نجد بشيوخ أهل نجد
بمناسبة زواج صاحب السمو الملكي الأمير تركي بن سلمان بن عبدالعزيز آل سعود
