جتني وشافتها عيون حايرات
ذا شعاع الشمس أو هذا سناها
ضاعوا اللي جو معاها مسيرات
وأقبلت تمشي تقل محد معاها
يا سنا الفضة ويا جيد المهاة
يا شذى نبت الخزامى في وطاها
قلت زاهي بوجنتك زهر النبات
قالت إن الرمش يجرح لي صفاها
تجرح الظلمى عيون ناعسات
سلهمت وأغضت تغطرس في بهاها
حققوا بالشوف في لون الشفاة
هو خذا منها الشفق أو عطاها
لو ظلام الليل يعطينا ثبات
فيه من لون الشعر أو كساها
كيف أبوصف زين كاملة الصفات
كيف أبوصل في حروفي منتهاها
