كلمات اخ قلبي

اخ قلبي

صارلِي هوايِه ما ضاحِك من كِل قلّبي!
أعرِف الضِّحكة، دربها غير دَربِي
الدّنيا ما حَصلت مِنها غير تَعَبِي
اخ قلبي!

مالي خُلُق لأي إنسان
ضاِيج وكِلش تَعبان
الناس صارِت بس لِسان ومحد يِدوم

مالي واهِس أسمَع شي
أي حَچي ما أصدّگ بيه
إني بيه الهَم يِكفي، وشابِع هُموم

ما وفى وياي بِحياتي بس جُروحي
حاير لغيري أُضحي وناسي رُوحي
واضِح وجَتني المَشاكل مِن وُضوحي
آخ قلبي

وليش أعيش بهالـمود
دَمعي ما خَلّى لي خُدود
لا يِردها أيّام السّود، يا ما عانَيت

هوايه مِن أيّامي راح
عِشت بس هَمّ وجِراح
إني هَم أريد أرتاح، والله ملّيت

صارلي هوايِه ما سامِع كِلمة حِلوة
تعب جايِبها بتَعب كِل يوم بَلوة
الدّنيا مِن قِد القهر صارِت مَتسوة
آخ قلّبي

خَلص ما عندي نِقاش
لأن قلبي بِكِذبة عاش
الحَچي صار ابلاش، وياما يِحچون

أسمع وما أدير بال
شِفت من عِدهم أَشكال
هذا يِحچي وذاك قال، وما يِرحمون

ماجد المهندس ¹

1. [↩]حساب الفنان ماجد المهندس في منصة اكس