احتري طلتك بدر في سمانا
واكتملت وصرت بدر في تمامه
وأتحرى فرحة تروي ظمانا
وارتويت وفي صدى صوتي علامة
يوم أشوف الطير تشدو في حمانا
اسمعي يا نجد وأصغي يا تهامة
احتري ليلتك طول العمر وأنا
مثل من يرقى الجبل وأنتم حزامه
إيه أنا غنيت للدنيا وأغني
والغنا في ليلتك يا بدر حاله
في سنا بدر السما ما خاب ظني
وأترنم وأتنفس من خلاله
والقوافي تستميح العذر مني
والمعاني بين بدر وبين تاله
مرت الأيام عجلا ما كأني
شفت قلبي طفل وأداعب ظلاله
يا بني وعزوتي يا نبض قلبي
كل يوم يزيد في دنياي نورك
إي وربي إي وربي إي وربي
في غيابك شوق وأعتز بحضورك
أتونس في حياتي وأنت جنبي
وانتهى دوري وصار الدور دورك
يا مناي ويا رجاي ونور دربي
ذا زمانك يا الغلا والشور شورك
بمناسبة بدر نجل الفنان محمد عبده
