أحبك آه أنا يا ليت قلبي شعلة من نور
كريم مثل شوق النظرة اللي تسكن أهدابك
أحبك وش بقى مني حطام العاشق المغرور
وما أظن الزمان اللي مضى يرجع من أسبابك
ولكن صدقيني الصدق في هذا الزمان شعور
يحبك من صدقك مرة ما همه عتابك
أمانة لا تصبين العمر في كأسي المكسور
يضيع العمر ما يبقى سوى الإبهام وأنيابك
أبد ما هو قصيدة كتبها لك شاعر مشهور
ولا هو وردة يذبل ورقها في داخل كتابك
ألا يا طفلتي ما هو الهوى هالشارع المهجور
ولا هو ريحة غبار الوعد في أسفل ثيابك
كذب من قال ورد العاطفة ينبت بظل السور
وجبان اللي يخاف الناس لو وقف على بابك
كتب لك كل ما في الحب من عذب الكلام سطور
ولكنه عجز يا طفلتي لا يكتب كتابك
