يا ليل يا طول مسراك اسر يا ليل
ضيقت صدري وزودت التياعي
عاقبتني بالهموم وبالغرابيل
وش داعي الحزن مال الحزن داعي
ارفق على الخاطر المكسور بالحيل
راعه ما دام الأوادم ما تراعي
أنا سهرتك وشفت من البهاذيل
أمور اكبر كثير من إطلاعي
وصمدت بإرادة الله رب جبريل
لكن فالناس غيرت إنطباعي
الناس جاها مرض حب التهاويل
إن كان ما هو مرض معدي مناعي
الزبدة إني على الأبطال الأباطيل
وعيت يا ليتني ما صرت واعي
والله ماني جبان ولاني بخيل
ولالا طول لساني الا طول باعي
ما خذت حقي بفزعات الرياجيل
بذراعي الله يخلي لي ذراعي
