متى متى
مَتى مَتى خَلّي أَشوفَك
الصَّيف جا وِش هِي ظُروفَك
وَين السَّفَر يا زِين قِلّي
وِدّي وَلَو ساعَه أُوفِك
يا ثامِن السَّبع العَجايِب
مِن حُبّكُم ماني بِتايِب
سَمّيتَك أَغلى الحَبايِب
اللّه يا مَحَلّى وُصوفَك
حَلا حَلا قَلبَك وَعَينَك
وَأَحلى اللَّيالي في سِنينَك
إِن غِبت قَلبي قال وَينَك
خُذني بِهَوى عَطفَك وَروفَك
حُبّك تِشوفَه في عُروقي
طَبعَك عَلى كَيفي وَذَوقي
وَاللّه لَو تِدري بِشَوقي
ما ظَنّتي تِقوى وُقوفَك
عُمري فِداه عَينَك وَقَلبَك
ذايِب أَنا مِن كَثر حُبّك
لا تِطوّل الغِيبَه وَرَبَّك
وِدّي وَلَو ساعَه أَشوفَك
مَتى مَتى وَالشَّوق فيني
مالي هَوى قَلبي وَعَيني
قِلّي مَتى خَلّي تِجيني
وَتِلامِس كُفوفي كُفوفَك