شوف الجبل واقف ولا هزته ريح
شوف القمر عالي ولا يمكن يطيح
وأنا الجبل في عزتي وفي وقوفي
والبدر من طولي توسد كتوفي
وإن كنت تبغي يا وفا العمر توضيح
ما أطيح من هزه ولا تهزني ريح
مال الزمن يا صاح غالي وصاحب
له قلب متقلب وله وجه شاحب
وأنا لوني من الزمن صرت ضايق
بس أشكره جدا كشف لي حقايق
علمني أثبت حتى لو مت ما أطيح
ما أطيح من هزه ولا تهزني ريح
طبعي عزيز النفس من قوم أكرام
وإلى الكرم له طبع لا يمكن يضام
وأنا أبد ما خطيت في حق ناسي
ولا لوقتي يوم وطيت راسي
مهما لفاني من خطا الناس تجريح
ما أطيح من هزه ولا تهزني ريح
شوف الجبل واقف ولا هزته ريح
شوف القمر عالي ولا يمكن يطيح
