غايب حبيبي ما وصلني سلامه
مدري غيابه عذر أو شي مقصود
مو عادته يبخل علي بإهتمامه
دايم يطمني ولو كان موجود
ما أبغى أشوفه بس أسمع كلامه
لا صار طيب راحتي مالها حدود
يرجعه ربي على بالسلامة
اللي وحشني كم بقى يوم ويعود
محتاج له في درب ما أقوى ظلامه
هو شمعتي لا كثرت أيامي السود
ما أقوى على بعده ولا أقوى خصامه
لا غاب أحس بدنيتي شي مفقود
متى يعود وترجع الابتسامة
الصبر مهما طال له وقت وحدود
عندي عتاب ودمعتين وملامة
وعندي أمل إنه إذا غاب بيعود
