لا هي نار ولا هي ما
ولا هي غيمة ولا سما
إن حكت غنت سنابل من رضا
والسكوت إن صار نيران الغضا
يا رضاها وقف وناظر شوي
شف غلاها إيش سوى بشخص حي
وكيف حي ولا لقاها وإن لقاها
ما بقى في يدينه شي غير إنه يحتريها
آه من قلبي نصحته
بس عيّا ينتصح نبضه يبيها
آه منه ليه عيا
ليه عزم يترك الكون ويجيها
ما قدرت ألقى لهذا القلب حل
الجواب أقفى بظله وأرتحل
ما بقالي غير إنتي يا غريبة
يا رحيل العمر فيني يا حبيبة
سولفي للناس عني
سولفي للناس عني
قولي إني ما عرفت أختار من
قلبي يحبه
سولفي للناس إني
ما عرفت أقرأ وجوه
الحاضرين من الأحبه
اعترفلك إني فعلا ما عرفتك
ما عرفت أوصل مع قلبي لحل وما فهمتك
تجمعين الضد في كل الأمور
غامضة مرة ومرة مثل نور
تشبهين أيام أوقات الخريف
وتمطرين أحيان إحساسك زهور
صدقيني صرت من بعدك أخاف
واعترف إن الخلاف واسع طريقه
وإننا ما نلتقي في أي شي
فينا اختلاف، فينا اختلاف
وللأسف هذي الحقيقة
