حبيبتي لا تشتكين من الظروف
ولا تشيلي من هموم الوقت هم
أنا لك الدرع الحصين من الصدوف
وأنا ابن عمك حتى لو ماني ابن عم
لا يلحقك من لوعة الأيام خوف
ما دام باقي لي على الدنيا نسم
فلي حجاجك وإضحكي خليني أشوف
جمالك الطاغي ووجهك يبتسم
وتجاوزي الآهات خليها تطوف
ما فيه داعي للجروح وللألم
الله خلقك وميّزك بأربع حروف
وخذتي من إسمك لين قلب ولين إسم
وصفاتك اللي يا بعد كل الوصوف
ما فيها معنى للكآبة والندم
خلي الحسايف ما على الدنيا حسوف
إنتي أصدق وإنتي أجمل وإنتي أهم
