تزعل واراضيك وأتلذّذ بتزعيلك
تبي الصراحة أنا مجنون زعلاتك
لا قمت تبعد وأنا أقرب وأدنيلك
وأمسك طرف غترتي وأمش دمعاتك
وتبدي تعاتب وأنا كل انتباهي لك
ما أسمعك شتقول أنا عيني على شفاتك
وتعيد حجيك وتفرك حيل منديلك
وتخالطت صادق حروفك بوناتك
وأحاول أرضيك ومدري من وين أبديلك
وأحتار وأذكرك في بعض زلاتك
وأسمعك ما كتبته بك وأغنيلك
طاروقك اللي تحبّه وأكسر سكاتك
وأستسمحك وأعذرك وأسمعك وأشكيلك
وأتلهّف لبسمتك وردّ ضحكاتك
يسرقني الوقت ولا يمديني أحجيلك
كلام اللي حفظته لشوفاتك
وقت الوعد فات وعيوني تراعيلك
وقفيت وأشغلت القلب بلتفاتك
عيني على خطوتك والقلب يدعيلك
الله يحفظك من الحاسد وشماتك
الشاعر حمد السعيد
