دخيل الغلا اللي راح واللي وقف مرتاب
بسميه عشق وإنت مدري وش تسميه
ودخيل العيون اللي عليها الحلا جذاب
تشوف الولع فيه ولا تدري إيش تاليه
ودخيل المكان اللي جمعنا ولا هو إعجاب
إذا لي معزة طاري البعد لا تطرّيه
لو تشوف وضعي عندما تلتقي الأهداب
لك الله لو لك نية بالجفا تلغيه
أنا وأنت غايب كن وسط العيون تراب
تنام الخلايق ولا أنا النوم مالي فيه
ذبحني غلاك اللي سرى مثل سم الداب
طفح في العروق وكل ما وافقه ينهيه
بقى قلبي اللي ما ذبحته وهو منصاب
أنا أدري تبي تستوطنه ينطي يومك تخليه
سكنته وهو عمره قفل بالوجيه الباب
أنا أعرف قلبي لا عشق لا رحم واليه
يجي كله من أقصاه ويحب باستغراب
وفاء فيه ما هو مع بشر ليتك تداريه
ترفق على قلبٍ تلوع بك ولا تاب
مكنت به حيث الولع مثل غرس الناب
مصيبتك تدري بس ليه المفارق ليه
ودخيل الجمال اللي تلاقت له الأرقاب
وأنا اللي لفتني زينك وجيت مباريه
تمعنت فيك وجيت هايب وأنا ما هاب
ولا قفيت عنك إلا وأنا هالغلا معطيه
عليك العيون اللي لهن فعل غزو عقاب
ضعيفات خلقٍ بس يا ويل من تنويه
ولك نور وجهٍ كن لك فالنجوم أنساب
وليل عجز من طولة الكف لا يسريه
ولك مبسمًا ما كنه إلا شفق لغياب
حمار من الله جمر من ولعة ناسيه
عبث وإنت مقبل تستفز وتثير أعصاب
تبي تلفت الأنظار مناك لي منيه
وعبث وأنت مقفي تاخذ وتكسر الألباب
عبث جاهل توه مشي في بيت من يغليه
دخيلك على بعضك ولا هي دعوى عتاب
تعيد النظر في البعد من قبل لا تبديه
عليك الله أكبر وأنت تحكمك شريعة غاب
تجيب الطعونة وتجرح الخافق وتدميه
وأنا أموت فيك وصال وأموت فيك غياب
وهي موتةً وحدة مع فارق التشبيه
ومن قال ما به موت بالحب قل كذاب
جميل وبثينة ما ذبحهم مرض يا هيه
إيه أحبك ومن حبك خسرت أغلب الأصحاب
إذا عاتبوني فيك وعتابهم ما أبيه
أحبك ولا تسأل حبيبي عن الأسباب
أنا لو أعرف أسباب حبك قدرت أنهيه
ألا يا معرض رجل مغليك للمرقاب
أثر بالطوال تفرج الهم يا راعيه
أنا بسألك هو صحيح الهوى غلاب
أنا بنصح اللي مثل شرواي لا يمشيه
ومن لا يحسب بالهوى للفراق أحساب
لك الله ما غنى سلامه يبي يغنيه
مثل هل دمعي وإنت رايح وطرق حجاب
ومثل ما رمى عبد الحليم الزهر يرميه
وإذا فيه بكتاب النحو للفراق إعراب
فهو فعل مطلق بالبشر والجفا ماضيه
ألا ليت ربي ما خلق في الغرام غياب
وإذا فيه فرقى طاري الحب لا نطرّيه
