آه يمه
السكوت اللي على ذرات قبرك
من يلمه
كان يا ما كان
للنظرة مسافة
للمسافة حلم
للحلم احتفال
لا زمن باقي ولا صدرً حنون
لا جهات لا ملامح لا عيون
كلها هانت وجرحك ما يهون
اذكرك صوت ورا الحزن القديم
المطر لا غاب قلتي
يا ندامه
والمطر لا هلّ قلتي
يا كريم
والله ان الغيم يمه
بعد ما غبتي يتيم
انتظرتك كل ليلة
كل ساعة
كل لحظة
ما وصلتي
من يعلم هالمكان انك رحلتي
من يعلم هالرحيل انك رحلتي
من يعلمني الكلام
حتى أقول انك رحلتي
