جابك الله من بعد طول انتظاري
مثل ما كنت أتخيل وأتمنى
ابتسمتي لي وجيتك انتحاري
لين مدري ويش صار ويش كنا
عن هوى داري معك مانيب داري
كل دارٍ نجتمع فيها وطنا
حددي مستقبلي وأخذي قراري
وطوقيني بالغلا منا ومنا
القصيد العذب في زينك يماري
ينكتب بك ويتلحن ويتغنى
وكل ما غنوا وهزتك الطواري
لوّحي للحب بالكف المحناء
وانثني على اللحن والليل ساري
من يلوم الخيزران اليا تثنى
وإن بدأ للشوق في وجهك مواري
وأفطنوا بك من دروا فينا وعنا
كان قالوا للهوى بايع وشاري
قولي أصلًا وش على العذال منا
وكان قالوا ما بقى للعشق طاري
قولي أدري آخر العشاق حنا
