تدري وش أصعب من غيابك وفرقاك
إنك معي حاضر ولكن بجورك
وتدري وش اللي نزلك عقب مرقاك
حبك لنفسك لجل ترضي غرورك
وإنك تحسبني كذا رهن يمناك
الشور شورك يا متاهات شورك
طبع الأناني يحسبك ضمن الأملاك
ويعرف غلا قدرك لا غاب نورك
يا طول بالي كيف أراعي شعورك
أخطيت ثم أخطيت يا كثرها أخطاك
وبعت الحقيقة لجل تحيا بزورك
يا سيدي ما عاد نفسي أتمناك
اجمع معاذيرك ورتب أمورك
عند الكرامة ينتهي الأمر وياك
ما بات في قصرك ولا حول سورك
الحمد لله كنت عايش بلاياك
مرتاح لين الله حكم في ظهورك
ارحل ولك مني مع الوقت بنساك
