تبسم لا توري ضيفتك لعداك
ولو كان الحزن يملأ شرايينك
تفرعن وارفع الهامة ومد اخطاك
شموخك ما يغيض إلا معادينك
ولا تندم على اللي مدته يمناك
إذا عنت البشر لك ربٍ بيعينك
تفاؤل والتفاؤل حاجة الإدراك
إذا لحون الزمن ما هي تلاحينك
وزمانك لو يحدك لا تجيب أقصاك
وخل روح الرضى من صلب تكوينك
ترى بعض البشر تفرح على بلواك
ولو في يدها تحرق بساتينك
عدوك لو قريبك ما هو بيرقاك
نكر غرس الوفا من نبت كفينك
يضيق به الفضاء لا مجدوا وطراك
يلفق كذبته ويحاول أيدينك
غناك الله والمخمل عساه أفداك
ولا به حاجتن تغلي براكينك
وعلى شرواك لو تتعب على شرواك
أبد ما ضاع لك جهد بميادينك
وترى فرق البشر ما بين ذاك وذاك
خليلك من مش دايم على دينك
وإذا ربي كشف لك كل ما يخفاك
قليل اللي بقى ما طاح من عينك
