تغط النور يا مسكين ما تقدر تغط النور
تكافح موهبة و إلا تلوم الله على ماله
عطاك اللي عطا غيرك ولا خلا عليك قصور
ولكن الطمع آفة وقل العرف معبالة
ضعيف شور وتشاور صحيب لك ضعيف شور
نشدته من ردى فالك وغشك من ردى فالة
وش اللي يزعلك لا شفت دورة الليالي تدور
أخذ عبرة من اللي صار والتاريخ ورجالة
ترى عيون الرجال تشوف شيء تحسبه مستور
أبو سكين مقلوبة لقى عود عدلها له
كفانا الله شرك من حاسد والحسد مذكور
تبي شي جعلك هناك منه منت محتالة
تقفاني خذ ذنوبي ولاني بقايل مشكور
وأنا لو مت عايش و أنت عايش حالتك حالة
كلمات كفانا الله شرك عبدالله علوش
