ليت مالي عين تدمع ولا قلبن رهيف
ودي إن الزين والشين في عيني سوى
مؤمن أن الله تعالى وأنا عبدن ضعيف
ناوين بي خير لو كنت مدري وش نوى
فاقد علاجن لروحي ليا جاها نزيف
هو صحيح إنسان لكن على هيئة دوى
لعنبو من هلّ دمعه على فرقى وليف
والله أن فرقى الرجاجيل ملعونة ثوى
اه يا بابٍ مصفح ويا سورن منيف
ما وراك إلا سنافي وعالي مستوى
لو تعرفون إنه أنقى من الثوب النظيف
ما كسّرتوا خاطر الذيب يوم إنه عوى
طحت لجله طيح الأوراق في فصل الخريف
يوم طاحت جف ماها وطيرها الهوى