كلمات العين بالعين

العين بالعين هذا الحقّ والمعروف
لي حقّ أطالب ولا لك حقّ ترفضني
حطّ عينك بعيني ولا تخفي المكشوف
مشتاق أشوفك أجل وش كنت تحسبني

إخلق لك يدين لا تجلس كذا مكتوف
وش ذنب شوقي إذا ما قمت تحضنّي
عطني من أقصاك ما أبي العادي المألوف
شيٍء يشابه شعوري وإنت فاهمني

يا اللّي عيوني بلا شوفك عديمة شوف
بيديك تعمي نظرها أو تشوّفني
ويا اللّي خفوقي بنبضاتك تقول دفوف
كنّه بيطلع من ضلوعي ويتركني

أبغاك كلّ الشعور إلّا شعور الخوف
وشلون أخافك وأرجع لك تطمّنّي
ما عندي غيرك ولا لك بالهوى مخلوف
يا إنت يا إنت ما يحتاج أخيّرني

عبدالعزيز المعنى