نكابر كثر ما نكابر ترى تفضح ملامحنا
شعور همنا نخفيه عذابه لا يشوفونه
نجمل هالحزن لكن جروح الشوق تفضحنا
وكل اللي نبي نخفي بجوفينا يحسونه
قرار فراقنا غلطة وأبد ما هي فصالحنا
تسرعنا تعاندنا وكل طاوع ظنونه
خطينا بحقنا لكن عسى ربي يسامحنا
ظلمنا حالنا فعلا رضينا الصد وطعونه
حنين الشوق كل ليلة وكل ساعة يجرحنا
وكل من كبر حزنه تراها ملت متونه
نكابر ليه بنكابر إذا هالشوق فاضحنا
أنا حبك محال إني أعيش الجاي من دونه
