كلمات نوع من البشر

نوع من البشر

في نوع من البشر يخطّي وإذا الموضوع عدى
للأسف ما يستحي بالعكس يزداد التّمادي

ويستفزّك لين تغضب وإن غضبت يقول إهدأ
ما كأنه مستفزّك ألف مرّة وأنت هادي

يجبرك تَخطّي عليه ولا حصل هالشّي يبدأ
يتّهمك إنّك جرحته جرح أبد ما كان عادي

وتقعد تحاسب ضميرك بعد ما تَخطّي والأجدى
إنّك توجّه ملامك للّذي بالجرح بادي

تعتذر منه بلطف ويحسب إنّه فيك أقدى
وإنّك بدافع ندم مدّيت له بيض الأيادي

وأنت عند الله تدورها وهو مهما تردّى
يشعر إنّه دوم صح وراعي أخلاق ومبادي

شفت هالنّوعيّة من النّاس يا بن النّاس تفدى
ظفر رجلك بس حقّق يا بعد رأسي مرادي

ولا تصير أرجوك منهم وأتّبع وياي مبدأ
اتّقي شرّ الحليم وكفّ عن بعض التّمادي

رابح صقر