قصيدة ماهو بكيفك

ماهو بكيفك

ما هُو بِكَيفَك تواصِلني تِقطَعني
أمّا غَلا بَين أَو فَضّها سِيره

يا شين لا جيت تِقطَع لا تُوادِعني
ليتَك تَحِس الوَداع شِلون تَأثيره

يا ماخِذ الحُب قُل فيني وَسَمِّعني
حُبّ عَلى كِبَر صَعب أُبدِّل بِغيره

أَبحتَفِظ فيك وَأدري مانت نافعني
يُمكِن مَع الوَقت أَقول مَحبَّتَك خَيره

والله تِدري وِش اللِّي مَعَك دافِعني
إِنّي مَعاك أَنت أُمارِس آخِر الغِيره

وأَحب فِيك البُرود اللِّي يُقاطِعني
لو ما تَكَلَّمت صَمتَك صَعب تَفسيره

ياللِّي عَليك البَشَر شِفها تَقاطِعني
مِنين ما وَجَّه الهَقوات لَك سِيره

يا شينها مِن الخَوي قُل اترُكه طَعني
ما غَير شَرَّه وَلا أَنت بِشايفٍ خَيره

يا شينها مِنك لا جيتَك تُوزِّعني
في عُذرَك اللِّي عَلى هَالظَرف تَجييره

شِف كِبر صَبر البَشَر ما عاد ياسِعني
وأَكبَر هُموم العِباد أَشوفها صَغيره

وِش جاك مِنّي خَطا يَومَك تَبيعني
في سوق ذِقها عَليك أَسوقها جِيره

أَنا أَذكُر أَنَّك إِلّا مِن قُلت دَلِّعني
القَلب هانَت عَشانَك مَشاويره

يا مُشغِل القَلب بَين تِحبّني وَيَعني
شِفني عَليك اِحتَرَق يا سَيِّدي حِيره

مَرّات أَقول أَترُكك لا شَك يَمنَعني
شَيّ يَقول أَعذِره وَاقبَل مَعاذيره

قُلت اِحتَفِظ فيك وَأدري مانت نافعني
يُمكِن مَع الوَقت أَقول مَحبَّتَك خَيره

الشاعر حمد السعيد