كلمات الله اقوى

الله اقوى

الله اقوى لِيه خانَتني الظُّروف
ماهَقيت اللَّيل ما يُوفي الوَعد
ماتَت الفَرحَه وأَنا بِعَيني أَشوف
حارَت أَقداري وقَلبي في جِلَد

هي وأَنا في ظُلمَة اللَّيل ووُقوف
القَمَر شاهِد ولا غَيره أَحَد
القَدَر قاسي وفِينا ما يِرووف
تِسأَلَه عَيني وعَينَه ما تِرِد

لَهفَته لِي مِثل قَلبي لَه شَغوف
لَه عَنَيت وأَوفَيت أَنا لَه بالوَعد
سَلهمَت عَيني بِها رَجوى وخَوف
لَيلَنا جانا بِعَكس اللّي نُوَد

مِنوة الظّامي مِناها الرَّشوف
يا بَخت مَن شاف ووافاه السَّعد
يا سَراب ولو مَسَكتَك بِالكُفوف
لو شَرِبت أَظمى وهِي تِظمى بَعد

خالد عبدالرحمن