كلمات ماذا دهاك

ماذا دهاك

يامَن دَهَتني عُيونَك واحتوَتني يَديك
الله يُسامِحْك كَيف تَقول ماذا دَهاك

ما تِدري إِنّي مُتيَّم بِك وكُلّي لَدَيك
مَملوك مَأسور مَسبي مُستهام بِهَواك

وأَموت كُلّي مَعَك، وأَموت فِيك وعَلَيك
وأَغليك لَكِن عَسى الله ما يُبَيّن غَلاك

وأَحنّ إِلَيك، وعَلَيك أَحنّ مِن والِدَيك
ومِن لَهفَتي عَين قُدّامَك وعَينٍ وراك

أَشتاق لَك وأَشتكي لَك مِنك وأَشكيك إِلَيك
كُلَّك مَلَّكني، وكُلَّك في عُيوني مَلاك

جادِلَك جِيدَك جَبينَك خَنجَرَك حاجِبَيك
اِسمَك سِماتَك سَمّوك سِسْتِمِك مُستَواك

جُوريك جَمرَك لَجينَك عَسجَدَك وجَنتَيك
ذَرابتِك رِقّتِك رَوعة حُضورَك بَهاك

وَجهَك وَهَج مِبسمِك بَسمَتَك غَمّازَتَيك
بَراءتَك، خالَك اللّي لاذ بَأيسر شَفاك

سِجِنّجِلِك جَلنارَك نَرجسِك كَركَديك
كاديك مِسكَك نَسيمَك شَمس صُبحَك مَساك

سَلهام عَينَك، نَعَس طَرفَك، حَوَر مِقلتَيك
بُوهَتَك مِلحَك حَلاتَك خِفّ دَمَّك حَياك

ما أَعرِف أَعوّد ولا أَهدّي ولا أَمسِك بَريك
لا جِيت أَجي كُلّي، وكُلّي عَساني فِداك

أُقَدّم الرّوح كاش، وباقي العُمر شِيك
بِاسمَك مُصدَّق ولا يِنصَرِف لِحيٍّ سِواك

فهد الكبيسي