كلمات زي الجبل

زي الجبل

أنا أبان تمام بس من جوايا متكسّر مدمّر ومفيش غير خراب
وبالليل بالذّات في بيني وبين الذّات عاركة تتعب الأعصاب
القلب مدينة مافيها سكّان النار ما سابت مكان
والحلو اللّي باقي منه مش هتلاقي غير حبّة تراب

بس زّي الجبل، زّي الجبل، زّي الجبل وبصبر جمل
معرفش مالي معمولّي عمل ولا
طب إيه جرالي طب إيه الّلي حصل
بس زي الجبل، زّي الجبل، زّي الجبل وبصبر جمل

معرفش مالي معمولّي عمل ولا
طب إيه جرالي طب إيه الّلي حصل
وأنا طيّب زي أبويا متعوّدتش أخون
والنّاس بوشوش كتيرة على كلّ لون تتلوّن

اللّٰه يسامحك يا با، ليه مقولتليش من الأوّل
ليه زرعت فيّا الطّيابة، والدّنيا غير الأوّل
سيبوني في حالي معرفش عين مين دي الّلي راشقة في حياتي وقالبة كياني
شايفيني من برّه بس أنا من جوّه والله بعاني
لو فاكرين حياتي جميلة تعالوا عيشوها مكاني

ده عينكم صابتني على الأرض جابتني وربّي نجّاني
بس زّي الجبل، زّي الجبل، زّي الجبل وبصبر جمل
معرفش مالي معمولّي عمل ولا
طب إيه جرالي، طب إيه الّلي حصل

بس زّي الجبل، زّي الجبل، زّي الجبل وبصبر جمل
معرفش مالي معمولّي عمل ولا
طب إيه جرالي، طب إيه الّلي حصل

صوفيا علي