وين انت يوم اني دريك ومنصاب

وين انت

وين انت يوم اني دريك ومنصاب؟
والنّار تلّهب فِي يدينِي وفينِي

وين أنت يوم انِي ورا سبعة أبواب؟
والقيت في رجلّي وفِي ساعدينِي

وين أنت يوم أنِي على ضرسً وناب؟
والحق لامني دعيتك تجينِي

حنّا الروس الروس وندوس الاذناب
والذيب ذيب والحصين حصينِي

وين أنت وانا لك ذرى عين وحجاب؟
ارجوك علّمنِي وريّح كنينِي

وين أنت يامن للنواميس كسّاب؟
ياللي جعلتك بين رمشي وعينِي

وان كان ما شفتك وانا توني شاب
وش عاد ابي بك لا توالت سنينِي

عطيتني درس! بلا لوح وكتاب
واخذت الأول في تجارب سنينِي

الشاعر عبدالسلام الشهراني ¹