كافل لي شعور وكافلتني يتيمه

كافلتني يتيمه

ليلةٍ فوق سفح مزبن لي رقابة
ماهي من ليالينا الملاح القديمة

افتقد للطمانينة وجو الرحابة
في رجا الغربي اربه يزعزع نسيمه

كل ما شفت لي برقٍ عقر له سحابه
ودي انه على مدهال سمحه وريمه

الجبال النوايف ما عليها رقابه
والمواقف تخلي للمشاريف قيمه

قد زبنها مصاب يشتكي من مصابه
ولاذ فيها غريم يحتجي من غريمه

والا أنا من غياب الي فجعني غيابه
كافل لي شعور وكافلتني يتيمه

سيده قلبي اللي ماخذتني نهابه
واتنازل رغبتها محبه وشيمه

قالت: الحب أشوفك ودك تصك بابه
قلت: قفت ظعون الحب وانتي مقيمه

كل بنت عظيم ويستحق الكتابه
ما تعين وراه إلى محبه عظيمه

الشعر ذنبي اللي ما بغيت ارتكابه
ودي ان مسرحه ماهو بمسرح جريمه

اقدر امدح به الرجال واخذ ثيابه
وأقدر انصف به الي موجعته الظليمه

وودي اضيع ضيعت ساري في ضبابه
بس ما اذوق لي نصر بطعم الهزيمه

يمكن آرد على عذقٍ عذي شرابه
ويمكن اصدر من العذق وابلي محيمه

قالوا: الذيب ما تطمع عشاه الذيابة
قلت: انا قد سلامة راسه اكبر غنيمه

صدته صدت اللي راح ينقل صوابه
خير من وقفته بين العوض والحريمه

الشاعر صالح النشيرا ¹