ياللي عوايدكم تقول الهوى عيب

الهوى عيب

ياللّي عوايدكم تقول الهوى عيب!
من طاعكم، ما عاد ياصل شفوفه

أخذوا جميع اللّي لكم من مواجيب
أصخى بها لو ماهي بمخلوفه

وشّحوا عليّ لا جيتكم بالتراحيب
عن رحلتي في الحب مالي نكوفه

اللّي عيونه ترسل السحر وتصيب
أحبّه ونفسي عليه امعطوفه

أمّا إن ربّي ما خلق له عذاريب
وإلّا إن له عذروب، مانّي بشوفه

يستاهل أبياتي وأنا أستاهل الطيب
لا فاح من مجدوله ومن كفوفه

حاولت في وصل بكل الأساليب
وأجابته رغم السكوت معروفه

رسالتي له، صيحة في قفى ذيب
إن ردّ والّا ما عليّها حسوفه

الشاعر رفعان العرجاني ¹