كلمات الوجه الجديد

الوجه الجديد

ما عاد يرضيني وفا ولا يزعلني جفا
متساويّن في خاطري ظلم العرب وإنصافها
من أولٍ لا أخفيت لي علمٍ عن الناس اختفى
واليوم هذي حالتي، مابه حدٍ ما شافها

قعدت أحسب وش ربحت؟ وش خسرت؟ ووش صفا؟
يا حيّ روس أموالنا قبل الطمع بأضعافها
تعبت أدور في القلوب الباردة ليلة دفا
وألقى انتهازات النفوس وكذبها واجحافها

حتى أقرب العالم لو يوقف معك وقفة وفا
اصبر وتدري وش دوافع وقفته وأهدافها
عاد انت يا الوجه الجديد اللي يبي وصل وصفا
حبال وصلك شوف لك ناسٍ تمسّ أطرافها

العشق وأمراض المحبة واستحالات الشفاء
وأغلب علاقاتي مع العالم أشوف انكفافها
وذلحين عن إذنك، وسامحني إذا لساني هفَا
نفسيّتي ما عادني بقدَر على لطافها

اروى السعودية ¹

معلومات عن كلمات الوجه الجديد
المؤدّية	اروى السعودية
الشاعر	عبدالله علوش
الملحن	سلمان الخوفي
القسم	كلمات الاغاني
السنة	2025