قصيدة ان كان ما تاقف بجنبي وانا حي

ان كان ما تاقف بجنبي وانا حي
مانيب محتاجك نهار القيامة

دامك على الأقصى مثل بارد الفي
وعند القريب لاطمتك الرخامة

خلاص مابي منك لاذي ولاذي
جعلك بخير ورافقتك السلامة

واليّا حداك الوقت وازريت ياخي
ابشر برجالن يثني حزامه

تعال لي واوردك صافي المي
الحر يافي والهلامة هلامة

انا ليامن ابن عمي طلب شي
مارخيت راسي مثل راس النعامة

ماقول انا عنتر ولا حاتم الطي
لكن اموت ولاتمس الكرامة

واللي ماياقف عند ربعه وهو حي
ماهوب نافعهم نهار القيامة

الشاعر حرمل بن كليفيخ ¹