قصيدة لا يهمك لو علاقاتي كثير

لا يهمك

لا يهمك لو علاقاتي كثير
حبّك أغلى من علاقاتي وأهمّ

إنت الأول في حياتي والأخير
من على وقتٍ اسمك وقلبٍ وسهم

رغم صغرك كان تفكيرك كبير
ورغم طيشي كنت بأخلاقي شهم

اتّفقنا لو يصير اللي يصير
حنّ بريئين وزمنّا المتّهم

وقلت لك قل للزمن وقّع وطير
إن فهِم ولا يا جعله ما فهِم

إنت عمري وإنت قلبي وإنت غير
إنت واقع حيّ والباقي وهم

إنت تشبه ضحكة الطفل الصغير
وتشبه إحساس المحبّ إلْيا استهم

وأغنية في ألبوم أبونورة الأخير
الكلام لقوس واللحن لسهم

إنت تشبهني وأنا أحبّك كثير
والمهمّ إنّك من العالم أهمّ

مَن يحبّك يا جعل قلبه بخير
وجعل قلبٍ ما يحبّك للوهم