كلمات امر تدلل خالد عبدالرحمن

امر تدلل

حبي لك اكبر من جميع التواصيف
حبي لك اكبر من كلام يقالي

غلاي لك صافي ولا فيه تزييف
اصفى من المي القراح الزلالي

الحب ما بين القلوب المواليف
سعادة ما بين غالي وغالي

ان غبت جابك في حلى نومي الطيف
وان شفت زولك كل شيء صفا لي

من غيرك الايام يا صاحبي صيف
انت الربيع اللي بنبته زهالي

دايم وانا امشي لك حبيبي على الكيف
امر تدلل لك علي الدلالي

خالد عبدالرحمن ¹

1. [↩]الحساب الرسمي للفنان خالد عبدالرحمن في منصة اكس