قصيدة نجم على كتف اخر الليل غافي مهذل الصقور

نجم على كتف اخر الليل غافي

نجم على كتف اخر الليل غافي
صحه قبل لا تفهقه كف الاشراق

باقي من الشبّه ليالي مقافي
تبغى لها من راعي الوضح ملحاق

طرى عليه يسج سجة سنافي
ماهو يهوّن في المبادئ والاخلاق

ماجاه من صكات الايام كافي
خلوه يبعد كل مالجو له راق

هذا ولا بُعده ُبعد المفافي
تراه يثني لو يوقف على ساق

يستهتر بالاوجاع حد التشافي
ويتّعبه جو الترف حد الارهاق

وان جارت الدنيا فلا هو بهافي
يعف ويوسع على كل من ضاق

وان اغتنى يضفي على كل ضافي
اذا التم شمل المال راعاه بالافراق

ما علق اسمه في عمود صحافي
ولا استخال من الفلاشات براق

صفى على اللي ماصفت له المصافي
سيان فيها روشن القصر وارواق

يكتالها بالزهد والزهد وافي
ما للغنى والفقر في حلقه ارباق

راح الغنى من هيبة الزهد حافي
وراح الفقر من شيمة الزهد بارزاق

الشاعر: مهذل الصقور ¹

1. [↩]حساب الشاعر مهذل الصقور في منصة اكس