يا اصحابنا مكثرين الضرب والطعنا
يا اصحابنا مكثرين
يا اصحابنا مكثرين الضرب والطعنا
وش حالكم؟ طيبين؟ الله يمنعكم
ما ودنا نمعني اللي مالها معنا
من شان ما ودنا فيها نقاطعكم
الله هو اللي رزقنا في طبايعنا
يوم ربي بلاكم في طبايعكم
وبصماتنا اللي نميزها بأصابعنا
وانتم صناديقكم تعرف ودايعكم
صدوركم كلها ما عاد تاسعنا
ما اظن به دار تاسعنا وتاسعكم
النفس يا ناس شيء من مزارعنا
واللي دفنتوه فيها يندفن معكم
ان زانت النفس نصف الزاد يشبعنا
وانتم من الشك حتى الضحك يوجعكم
حنا استحينا حيا صدق وترفعنا
عن حاجتن زودت فينا مطامعكم
والله يا لولا السلوم اللي تجمعنا
انا على جالها الاقصى نرجعكم
الشاعر ناصر منقره 1
- [↩]حساب الشاعر ناصر منقره في منصة اكس