كلمات اشكر جمالك

اشكر جمالك

خربتْها والحين جيتك، ولو كان
مَنك الخطا كلّه بَدا، وإنتَ داري

يَاخي تراني صدق بالحيل ولهان
سَاحب على اللي جَاب للثقل طاري

يا أول وآخر حبّ، للحبّ عنوان
ذلّيت أمّ الحال، طال انتظاري

تصدّمني بهجرك، ولا حسّ بحزان
أصبر وأواسي ضيق بالي وأداري

دربّ الهَوى ما فيه كاسْب وخسَران
دام الحبايب بين بايع وشاري

يجلّط خفوقي كل حاسد وخوّان
اللي يحاول يبعدك عن مساري

يا ناعس العينين، يا زهر الأوجان
اشكر جمالك، وبجمالك أماري

بين النعومة والحسن مظهرك بان
قمريّةٍ متبخترة فالقماري

مثل الخمر ريقك، وأنا منه سكران
لذّة شفاتك للسعادة تباري

ضفّني لقلبك، جيت للوصل شفقان
في ليلة الاثنين من شوق ساري

أبغاك تاخذني غلا بين الأحضان
نطفي من الأشواق نارك وناري

من ضمّتك بقول: ودّي من أزمان
يا ليتي في ديرتك، وإنت جاري

عبدالله ال مخلص ¹